РУСКИ КЕРЕСТУР – Школу „Петро Кузмяк” 9. априла були нащивиц дзеци зоз предшколских ґрупох керестурскей дзецинскей заградки „Цицибан” ПУ „Бамби” з Кули, дзе их привитали педаґоґинї Марина Дудаш и Наташа Мученски.
Опатриц школу, до хторей од єшенї и вони буду ходзиц, були 38 будуци школяре першей класи зоз своїма виховательками.
Попри тим же видзели школски амбиєнт були и на годзини школяром у двох оддзелєньох терашнєй першей класи.
Иншак, од 7. априла почало и приявйованє за упис до першей класи у керестурскей Школи, родичи свойо дзеци приявюю електронски, а вец ше у Школи заказує тестованє дзецох, котре окончує педаґоґиня Наташа Мученски.
Як спомнуте, до першей класи ше маю уписац 38-еро предшколци, а упис тирва по 31. май.
