НОВИ САД – У найновшим, осмим чишлє новинох „Руске слово” на Тижньовнїку тексти о схадзки Одбору за образованє Националного совиту Руснацох хтори отримани у Заводу за културу войводянских Руснацох, а на хторим було бешеди о нашим образованю у 2024. року. Анатомия пошвецена нашому образованю и рускому язику.
На рубрики Нашо места тексти о вибудови желєзнїцкей драги коло Вербасу и околних местох, рочни скупштини пензионерох, туристичней орґанизациї у Руским Керестуре, законченє Байкового проєкту, тексти о тим же до наших церквох у Бачинцох и у Коцуре сцигли нови крижи хтори ше пошвидко буду класц на турнї.
На бокох Економиї пишеме о керестурскей жимскей школи за польопривреднїкох, о 29. Винияди у Беркасове, Каритасовей едукациї за нєзанятих.
На бокох култура и просвита тексти о видавательним планє НВУ „Руске слово” у 2024. року, рочна скупштина КУД ,,Тарас Шевченко” зоз Дюрдьова, текст о тим же представа „Конєц” предлужує живот на сцени.
На бокох Людзе роки живот напис о Мариї Шанта педаґоґи зоз Руского Керестура и о фамелиї Рамачових зоз Дюрдьова.
У рубрики Духовни живот текст зоз Руского Керестура о задушних соботох, о молебену до Мариї цо развязує ґузли, пошвецанє обисцох у Дюрдьове.
На бокох Спорту пририхтованє ФК Русин за ярню часц.
Горуци тепши стандардна рубрика у новинох, а у тим чишлє и додаток Литературне слово.