Успишни рецитаторе на покраїнскей смотри „Поето народу мойого”

189 Опатрене

РУСКИ КЕРЕСТУР – Покраїнска смотра рецитаторох „Поето народу мойого” отримана од 19. по 21. април у Сечню. Зоз Руского Керестура на смотри участвовали Милена Рамач и Александер Планкош, зоз Дюрдьова Владимир Молнар и зоз Коцура Лара Ґубаш.

Керестурски рецитаторе Милена Рамач у штреднїм возросту и Александар Планкош у старшим возросту у Сечню ше пласовали медзи 18 найлєпших – златних рецитаторох у покраїни.

Анї єдно з нїх ше нє пласовало на републичну смотру, алє и попри того мож раховац же посцигли красни успих, виявел Мирослав Малацко. Рецитаторох за смотру порихтали Мирослав Малацко и Оленка Живкович котрей помагал Александер Планкош.

Успишно ше представела и достала Златну диплому у младшим возросту и Лара Ґубаш зоз Коцура, менторка єй була Мария Полдруги.

На смотри рецитаторох участвовал и Владимир Молнар зоз Дюрдьова, а порихтал го руководитель рецитаторскей секциї Яким Гарди.

Селектор на зонскей смотри бул ґлумец и професор на Академиї уметносцох у Новим Садзе Предраґ Момчилович, док консултант за руски язик була Амалия Ковач зоз Кули.

ПОВЯЗАНИ ТЕКСТИ