ШИД – Як сообщел републични Сеизмолоґийни завод Сербиї на 3 годзин и 53 минути вчас рано, штварток, 22. януара у околїску Шиду призначене трешенє жеми маґнитуди 2,4 єдинки по Рихтеровей скали, а интензитет у епицентру преценєти на треци ступень Меркалийовей скали.
У спомнутим чаше чуло ше як експлозия и велї гражданє ше зобудзели и злєкли, бо нє знали о чим слово, а вец дознали же було трешенє жеми.
Трешенє жеми такей моци нє спричинує материялни чкоди, алє виволує знємиреносц людзох, а старши ше здогадли и даєдних трешеньох жеми у прешлосци.