НОВИ САД – У Основней и штреднєй школи з домом школярох „Петро Кузмяк” у Руским Керестуре на пияток, 16. мая будзе представена кнїжка за дзеци „Воденїчка на стриберним потоку” Мирона Будинския.
Кнїжка репринт виданя зоз 1980. року, алє є збогацена з новима илустрациями котри нарисовала авторова унука Лара Петкович. Попри тим, обявена и роботна тека у котрей преложени три приповедки на сербски язик, а илустрациї прилагодзени за вифарбйованє.
Промоциї буду отримани и школяром у Коцуре и Дюрдьове.
НВУ „Руске слово” обявело тоту кнїжку у рамикох проєкту „Култура=кнїжка=природа – интеркултурални роботнї за дзеци” при Буджетским фонду за национални меншини Министерства за людски и меншински права и дружтвени диялоґ Републики Сербиї.