СЕРБИЯ – Гражданє Сербиї котри путую до иножемства нє муша уплацовац драгове здравствене осиґуранє, алє у филиялох Републичного фонду за здравствене осиґуранє (РФЗО) можу достац потвердзенє, з хторим ше можу лїчиц у 20 европских жемох – пише „Блиц”.
Процедура за доставанє того потвердзеня, односно одвитуюцого двоязичного формулару безплатна. Достаточне же би ше гражданє явели свойому вибраному лїкарови, котри им после препатрунку виполнї потвердзенє о здрвственим стану. Потим компетентна филияла РФЗО вида потвердзенє на основи хторого ше мож лїчиц безплатно у жемох з хторима Сербия подписала спорозуменя – гваря у РФЗО и дополнюю же прешлого року тоту можлївосц вихасновали 25 000 гражданє.
У РФЗО наглашую же велї нє знаю же тото драгово осиґуранє за иножемство можу достац прейґ добродзечного осиґураня РФЗО, односно у каждей його филияли и оддзелєню, без огляду на место биваня осиґуранїка.
Медзитим, поражуюце же тото потвердзенє нє можу хасновац ваготни жени и тоти котри хорую, або прешлого року хоровали од акутних, лєбо хронїчних хоротох, як анї за лїченє у приватних амбулантох у иножемстве.