РУСКИ КЕРЕСТУР – Женски Рукометни клуб Русин одбавел пияток, 2. октобра, у Спортскей гали у Руским Керестуре, перше першенствене стретнуце у Другей лиґи Войводини процив екипи СПД РК Пролетер зоз Зренянину и страцел, а конєчни резултат бул 22:36 (10:20).
Ґоли за екипу Русина дали: Александра Штранґар (8), Николина Зорич (6), Андрияна Штранґар (5) и Сабина Планчак (3).
За екипу Русина бавели: Николина Гарди, Аня Сендерак, Андрияна Штранґар, Йована Кушич, Сабина Планчак, Ема Венґрин, Хана Симич, Йована Шилованович, Дуня Заґорац, Николина Зорич (c) и Александра Штранґар.
Екипу водзели Доминика Планчак и Мирослав Виславски.
Шлїдуюце, 2. першенствене коло екипа Русина будзе бавиц на пияток, 9. октобра, у Ади процив екипи Халас Йожеф 2.
