СЕРБИЯ – На нєдзелю, 17. септембра, у 58 общих шпитальох и трох клинїчних центрох у Сербиї шицки заинтересовани гражданє годни превериц уровень цукру у креви, поробиц ЕКҐ и вимерац прицисок, потвердзел вчера министер здравя Златибор Лончар. Препатрунки буду од 8 до 16 годзин.
Министер гварел же шицки директоре, помоцнїки и началнїки шпитальох под час препатрункох буду на роботи и же буду бешедовац з пациєнтами.
То перша така акция безплатних препатрункох за гражданох, а убудуце буду орґанизовани раз мешачно.
На тоти препатрунки можу присц и гражданє котри нє маю здравствену кнїжочку.