СРИМСКА МИТРОВИЦА – Националне швето Руснацох у Сербиї шветочно означели и Руснаци у Сримскей Митровици зоз госцами и пригодну програму.
Повинчовац Руснацом у Митровици Швето спред Националного совиту Руснацох пришол Йовґен Мудри, подпредсидатель, а викладанє о Руснацох мал Дюра Латяк и о. Владислав Варґа котри ше огляднул на прешлосц Руснацох у Сримскей Митровици.
У програми участвовали дзеци хтори виучую руски язик, шестри Сара, Снежа и Марияна Страценски, з музичнима точками ше представели шпивачка Надя Каурин и Шпивацка ґрупа „Руски зарї”, а виведзени и даскельо композициї класичней музики. Шпивачох провадзел Оркестер „Ходоба и приятелє”.
Вчерайша шветочна програма отримана у Ґалериї „Лазар Возаревич”, а у рамикох Дньох росийскей култури, хтори ше там отримую од 15-25. януар.
По конєц тижня Националне швето Руснацох будзе отримане по тим розпорядку.
