ДЮРДЬОВ – Члени Управного одбора Културно-уметнїцкого дружтва „Тарас Шевченко” з Дюрдьова и предсидатель Скупштини Дружтва Мирослав Чакан пририхтали потребну документацию за Рочну скупштину КУД „Тарас Шевченко” котра ше традицийно отримує у остатнїм викенду януара, на тот завод, на нєдзелю, 26. януара.
Рочна скупштина Културно-уметнїцкого дружтва „Тарас Шевченко” з Дюрдьова почнє на 18 годзин у просторийох Дружтва. Поволани шицки заинтересовани же би чули цо дюрдьовске Дружтво поробело у прешлим року и цо у плани поробиц у тим року, алє и же би присутни дали свойо думанє и суґестиї за дальшу роботу.
По урядовей часци Скупштини будзе друженє и деґустация домашнїх дисновторских продуктох, та домашнї поволую же би кажде, хто жада, участвовал у тим и принєсол свойо дисновторски продукти.