Вербас вигодни за живот

автор сен
1k Опатрене

ВЕРБАС – По условийох биваня, трошкох школованя, безпечносци и почитованя людских и меншинских правох, општина Вербас спада до општинох вигодних за живот – стої у Индексу дружтвеного розвою городох и општинох Тиму за социялне уключованє и зменшанє худобства при Влади Републики Сербиї. Медзитим, уровень високообразованих людзох нїзки, плаци спод републичного просеку, а стан у здравстве нєвигодни, цо губи слику о тей општини.

У Вербаше штреднї нето заробок 36 594 динари, док у Сербиї штредня плаца 43 932 динари. Занятосц у општини у рамикох републичного просеку, а подобно як и у кулскей, и у Вербаскей општини процент високообразованих нїзки, а число особох зоз штредню школу векше од уровню у Сербиї.

Трошки за образованє по жительови нїзки и виноша 12 698 динари, а условия биваня вигодни. На водоводну мрежу приключени 98,58 одсто, а на канализацийну 41,61 одсто ґаздовствох.

По податкох Индексу, Вербас безпечна општина, а почитованє людских правох и чувствительних ґрупох медзи лєпшима у Сербиї.

Индекс дружтвеного розвою облапя шицки городи и општини у Републики Сербиї и раз рочнє ше го ажурира з новима податками.

 

ПОВЯЗАНИ ТЕКСТИ