ВЕРБАС – Представителє Општини Вербас и Спортского союзу Општини Вербас участвовали на першим семинаре о ИПА-програмох прейґранїчного сотруднїцтва з Чарну Гору, Босну и Герцеґовину, Горватску и Мадярску.
Семинар орґанизовал Спортски союз Сербиї, у сотруднїцтве з Министерством за младеж и спорт, а представительом локалних самоуправох и спортских союзох предочени можлївосци за апликованє за средства у рамикох програмох Европскей униї за прейґранїчне сотрудїнцтво – за розвой спортских обєктох и спорту.
Як сообщене после семинару, проєкт ноши мено „Иницированє медзинародного и интердисциплинарного сотруднїцтва у обласци розвою мрежи спортскей инфраструктури у погранїчних подручох Републики Сербиї спрам БиХ, Мадярскей, Горватскей, Чарней Гори, Румуниї и Болгарскей”.