РУСКИ КЕРЕСТУР – У центре Руского Керестура всоботу, 3. октобра отримана уж традицийна манифестация „Домашнї шпайз”, хтору орґанизує Здруженє женох „Байка”.
Свойо штанди мали членїци „Байки”, на хторих понукали рижну жимнїцу овоци и желєняви, а викладали и други свойо продукти, як цо то колачи, сувенири и ручни роботи своїх членїцох.
Продукти жимнїци, швижей овоци и желєняви, та квеце виложели и други жителє Керестура, а понеже була красна хвиля, „Домашнї шпайз” бул и добре нащивени.
