БЕОҐРАД – Два трецини гражданох Сербиї нє заинтересоване за политику, а з тих цо провадза роботу Влади, 48 одсто нєзадовольни – указую податки виглєдованя хторе окончел Центер за виглєдованє, транспорентносц и одвичательносц. Причину за нєзаинтересованосц находза у податку же 68 одсто випитаних дума же политичаре спреведаю, а вери им лєм осем одсто.
Аж 78 одсто гражданох гварели же су нєдостаточно информовани о политики Сербиї, Скупштини, улоги посланїкох, Републичней Влади, локалней самоуправи, системи ушореня власци, та о ушореню Автономней Покраїни Войводини.
Мали процент гражданох вери же Скупштина Сербиї роби на хасен гражданох, а нєзадовольство вше векше, та так з роботу парламенту нєзадовольни 48 одсто гражданох, а задовольни лєм 18 одсто. З роботу Влади задовольни 26 одсто випитаних.
Виглєдованє окончене з нагоди Медзинародного дня демократиї у юлию того року.