БЕОҐРАД – Того тижня почал робиц Реґистер пенєжних карох, на хтори гражданє и привредни особи можу приступиц прейґ рахункарох, таблетох и телефонох и превериц чи маю нєплацени трошки поступкох, лєбо пенєжни кари.
Реґистер ше находзи на интернет адреси https://rnk.sipres.sud.rs , а банер прейґ хторого мож войсц до порталу ше находзи и на сайту Порталу судох, пише Танюґ. Шицки суди за потупеня повязани, а система повязана и з Управу за трезор, Управу транспортней полициї и Централним реґистром обовязоного социялного осиґураня.
Кед покарана особа виплаци часц, лєбо цале длуство, кед ше пенєжну кару заменї з кару гарешту, лєбо роботу у явним интересу, одвичательни суд такой муши висцерац податки, односно упише пременку у Реґистру.
По Закону о потупеньох, кед особа нє виплацела предвидзени кари за потупеня, нє годна достац и обновиц документи, як цо вожацка, лєбо транспортна дозвола.