БЕОҐРАД – Коло 85 одсто дзецох котри хасную интернет на нїм активни вецей як два годзини дньово, а 25 одсто родичох потвердзели же их дзеци дожили ризични и проблематични ситуациї на интернату, указали резултати виглєдованя хторе запровадзел УНИЦЕФ.
Младши дзеци найактивнєйши у бавеню бавискох на интернету, а тинейджером найинтересантнєйши дружтвени мрежи. Статистика указує же 85 одсто дзецох ма мобилни телефон, кажде друге дзецко ма власни компютер, лаптоп, лєбо таблет, одкаль маю шлєбодни приступ ґу интернету.
УНИЦЕФ заключел же ключне же би дзеци мали довириє до родичох, понеже през комуникацию мож зопрец потенциялни опасносци на интернету. Ґу тому, родичи би мали буц едуковани и добре информовани о интернету.
Коло 65 одсто родичох дума же интернет нєбезпечне место за дзеци, а найвеши ризик то доступносц нєприкладного материялу и можлївосц контакту з нєпознатима особами. Заменїца директора УНЦЕФ-у у Сербиї Северин Леонарди визначела же доступносц такого материялу муши буц санкционована, алє же и дзеци муша буц свидоми ризику хтори ноши интернет.
Школи би тиж требали потримац родичох и дзеци у защити на интернету, заключел УНИЦЕФ.