БЕОҐРАД – До скупштинскей процедури прешлїдзени Закон о общим управним поступку, по хторим гражданє вецей нє буду мушиц сами виберац кресцене писмо, потвердзенє о державянстве и други документи же би витворели свойо права, преноша медиї.
– Кед Скупштина Сербиї прилапи тот Закон, о 90 днї шицки державни службенїки буду мушиц сами обезпечиц податки о гражданох, хтори уж у службених евиденцийох. За нєпочитованє тей одредби предвидзени риґорозни кари – сообщене з Министерства державней управи и локалней самоуправи.
Кресцени писма и потвердзеня о державянстве дотераз гражданом були нєобходни за витворйованє велїх правох, а з тим предписаньом вони вецей нє буду чекац у шорох и плациц републични такси.