КОЦУР – Културно-просвитне дружтво „ДОК” з Коцура и того року орґанизує дочек Нового 2015. року по старим, юлиянским календаре. Под час програми будзе представене и найновше число часопису „Ерато над Коцуром”, хторе достаню шицки нащивителє, як и мурови календар. На дочеку будзе грац оркестер „Баґрен били”, а предвидзена и томбола и рулет-танєц.
Дочек будзе на вовторок, 13. януара, у Колошняйовей сали на Новим шоре з початком на 20 г., а уходнїца 800 динари по особи. За дзивки и леґиньох уходнїца 400 динари, а место мож резервовац и уплациц по нєдзелю, 11. януара, до 18 годзин.
Шицки информациї мож достац од Мариї Горняковей на число тел. 063 898 20 17, лєбо од проф. др Михайла Фейсу, на число тел. 063 806 12 60.