НОВИ САД – Зоз Законом о явних медийских сервисох од 1. януара запровадзена обовязка плаценя такси за явни медийски сервиси вєдно з рахунком за потрошену струю, а такса 150 динари.
Таксу нє буду плациц особи котри жию у єдночленим ґаздовстве, лєбо су хранителє фамелиї у вецейчленим ґаздовстве, кед же су зоз стоодстотним инвалидитетом.
Право на ошлєбодзенє од плаценя такси маю и особи з инвалидитетом меншим як 100 одсто кед им припознате право на цудзе допатранє и помоц.
Таксу нє будзе плациц и особи котри тирвацо страцели слух, лєбо цемни особи, хаснователє права на пенєжну социялну помоц и пензионере з минималну пензию.
Физични особи з вецей годзинами за струю у єдней квартельней єдинки, односно дїловним просторе хтори ше нє хаснує, тиж ошлєбодзени од плаценя такси.
Од такси буду ошлєбодзени и установи за змесценє хасновательох, образовно-воспитни установи, здравствени установи и орґанизациї особох з инвалидитетом, подприємства за роботне оспособйованє и обезпечованє роботи особом з инвалидитетом, як и дипломатично-конзуларни представительства.
Вимогу за ошлєбодзенє од плаценя такси за явни медийски сервис на териториї Войводини подноши ше до Радиотелевизиї Войводини, а шицки упутства и формулари мож найсц на сайту РТВ – www.rtv.rs/sr_ci/rtv/taksa