ДЮРДЬОВ – У орґанизациї Добредзечного огньогасного Дружтва „Дюрдьов” и „Шайкаш” и потримовки Општинских огньогасних союзох „Жабель” и „Титель”, внєдзелю у Шайкашу двацец два особи постали нови огньогасци – осемнац зоз Шайкашу, двоме зоз Сримских Карловцох и троме хлапци зоз Дюрдьова – Милош Малеш, Александар Боґданов и Микола Балоґ.
Нови огньогасци перше покладали практичну часц у центре валала дзе, подзелєни до трох екипох медзисобно мали розподзелїц задатки и загашиц огень, а потим усмено одвитовали пред комисию у просторийох ДОД „Шайкаш”.
Младих огньогасцох зоз Дюрдьова на испит на огньогасним камиону одвезли Ґоран Берич, предсидатель и Мирослав Шовш, огньогасни официр у ДОД „Дюрдьов”.
