ВЕРБАС – Штварток, 5. новембра, Штаб за позарядово ситуациї општини Вербас отримал схадзку на котрей розпатрана актуална епидемийна ситуация у општини Вербас пре коронавирус, преноши општински сайт.
Як наведзене у сообщеню команданта Штабу за позарядово ситуациї ОВ Предраґа Роєвича, Штаб оценєл же хвилькова епидемийна ситуация у вербаскей општини стабилна.
Пре звекшане число инфицированих зоз вирусом корони у окруженю и векшого епидемийного ризику за здравє гражданох, Штаб за позарядово ситуациї општини Вербас апелує на гражданох вербаскей општини же би почитовали и запровадзовали шицки принєшени мири у цилю превенциї и зопераня дальшого ширеня вирусу Ковид-19.