Жени у приватних фирмох муша до пензиї на 60,5 роки

автор днв/сен
749 Опатрене

БЕОҐРАД – Нєдавна одлука Уставного суду Сербиї о одкладаню применьованя Закона о максималним чишлє занятих у явним секторе принєсла олєгчанє женом котри заняти у явним секторе, алє ше жени заняти у приватних фирмох почуствовали дискриминовани, понеже вони нє можу виберац чи на 60,5 роки пойду до пензиї, чи предлужа робиц.

Министерка за державну управу и локалну самоуправу Кори Удовички предложела же би шицки жени з явного сектору котри жадаю пойсц до пензиї достали одпремнїну як технолоґийни звишок. Достали би одпремнїну, найвецей 6 000 еври, а потим би подношели вимогу за пензионованє.

Жени котри робя у приватним секторе нє можу буц преглашени як технолоґийни звишок и нє можу достац одпремнїну у року кеди сполня условия за пензию. Накадзи жена сполнї условиє, приватни поднїмателє ю посилаю до пензиї и виплацую одпремнїну у вредноци двох штреднїх заробкох, цо предвидзене зоз Законом о роботи, преноши новосадски „Дневник”.

ПОВЯЗАНИ ТЕКСТИ