НОВИ САД – Под час новорочних и крачунских шветох коло 40-еро дзеци законча у шпиталю прето же им у рукох пукню петарди, а найчастейше калїча сцегна, лїцо и брух, гварели у новосадским Дзецинским шпиталю.
Прешлого року пре калїченя од петардох у тей здравственей установи окончени аж дзешец ампутациї пальцох, а за тот рок ище нє винєшене чи було даяки озбилєйши интервенциї.
Тих дньох актуалне же новосадска полиция вжала вецей як 50 петарди од двох малолїтних Новосадянох, процив котрих будзе порушана виновна приява, алє и вимога за порушованє виновного поступку процив їх родичох.
Новосадска полиция апелує на гражданох же би були осторожни у хаснованю петардох и других пиротехнїчних средствох, як и же би их куповали лєм на леґалних местох.