ЖАБЕЛЬ – На Вилїю, 6. януара, при памятнїку Чарни мост на Тиси у Жаблю отримана комеморация на жертви з Другей Шветовей войни, кед 1942. року на тот дзень почало масовне забиванє гражданох Жаблю. Жабель лєм єдно з вецей местох у цалей Шайкашскей хторе страдало у познатей Рациї мадярских фашистох.
При памятнїку Службу служел жабельски православни священїк, шпивал Церковни хор „Пасторала”, а у пригодней програми участвовали школяре з рецитациями о Рациї.
Венци на памятнїк положели предсидатель Скупштини општини Жабель Драґан Злоколица и предсидатель Совиту Месней заєднїци Жабель Радомир Злоколица.