НОВИ САД – Як здогадованє на погинутих партизанох у Другей шветовей войни, член Городскей ради Нови Сад задлужени за културу Ваня Вученович на Католїцким теметове у Петроварадинє вчера положел венєц на крипту партизанох заштрелєних у Вуковаре 19. октобра 1941. року.
– Город Нови Сад и того року дава чесц партизаном котри страдали у Другей шветовей войни – 19-ерим котри були зарабровани и настрадали. Ту зме же би зме дали чесц тим людзом, бо кед нє забуваме свою историю – твориме будучносц. Тиж так, указуєме и же ше таки и подобни злодїйства нє шму повториц – гварел Вученович.
На церемониї присуствовали и представителє СУБНОР-у и делеґация Антифашистичного здруженя городу Вуковар.