Злєпшац квалитет живота старших особох

автор дневник/сен
816 Опатрене

СЕРБИЯ – Од 96 анализованих державох швета, найлєпши условия за живот маю старши людзе у Швайцарскей, потим у Норвежскей, векшина державох заходней Европи, Сиверней Америки и Япон, указує Ґлобални индекс стареня за 2015. рок.

Од державох бувшей Югославиї найлєпши условия за живот у Словениї, хтора ше находзи на 26. месце, а Сербия на 66. месце. Оценьованє окончене на основи параметрох як цо сиґурносц приходох, здравє, порушуюце окруженє и особни капацитети.

Квалитет живота злєпшани у одношеню на виглєдованє пред двома роками, кеди Сербия була на 78. месце. Прешлого року у нашей жеми було 24,4 одсто жительох старших од 60 роки, а обчекує ше же тот процент будзе вше векши.

Як наявене, концом септембра влади вецей державох швета подпишу Цилї отримуюцого розвою Зєдинєних нацийох, та на тот способ будзе обезпечена векша повага и розуменє за проблеми старших ґенерацийох.

ПОВЯЗАНИ ТЕКСТИ