КОЦУР – Ловарске дружтво „Сокол” з Коцура дзешатираз орґанизовало змаганє у вареню ловарского паприґашу у котлїку, а того року ше змагали 14 екипи. Змаганє отримане вчера у дворе „Пелетовей” сали, а победзела перша з двох екипох вербаскей „Електродистрибуциї”. Другу награду достала екипа Авто-центру „Кврґич” зоз Равного Села, а трецу екипа з назву „Пияни пайташе”, составена з членох з вецей местох.
Орґанизаторе и того року учашнїком обезпечели месо, цибулю и огриву, екипа могла мац до 12 дванац особи, а попри домашнїх, змагали ше екипи з Вербасу, Равного Села, Савиного Села, Ветернику, Футоґу и других сушедних местох.
Место фаховей комисиї, паприґаши того року коштовали и оценьовали по єден представитель каждей екипи, та з гласаньом вибрани найлєпши.