НОВИ САД – На вовторок, 3. фебруара, на 11 годзин у Скупштини городу Нови Сад будзе отримана конференция „Европски проєкти – од идеї по реализацию“, наменєна орґанизацийом цивилного дружтва хтори жадаю апликовац за програми хтори финансує Европска уния.
Представителє орґанизацийох з Нового Саду, алє и цалей Войводини, годни дознац вецей о европских проєктох, як дойсц до жридлох финансованя, процедури апликованя и подобним.
На конференциї буду бешедовац представителє рижних орґанизацийох хтори успишно реализовали европски проєкти, потолкую присутним з якима почежкосцами ше годни зочиц, та лекциї хтори вони научели з тих искуствох.