Искра победзела, алє остала без тренера

автор злк
1.1k Опатрене

ФК „Искра” – ФК „Русин”4:2 (1:1)

Коцур: Стадион ФК „Искра”

Ґоли за Искру дали: Дарко Николич 2, Дамир Ґубаш, Душан Крняїч

Ґоли за Русин дали: Денис Гарди 2.

ИСКРА: Ступар, Зарин, Живкович, Юшкович, Дамир Ґубаш, Дрляча, Малеш, Малацко, Крняїч, Дамян Ґубаш и Сердар.

До бависка вошли: Иван, Николич, Ваяґич, Барович, Б. Сталевич, Лю. Сталевич

РУСИН: Ж. Орос, Чапко, Голик, Барна, Й. Гарди, Павлович, Орсаґ, Б. Орос, Кулич, Чизмар, Д. Гарди.

До бависка вошли: Б. Гарди, Кочиш, Грнчяр, Дюрич, Бранкович и Будински.

 

Змаганя медзи екипами Искри и Русина вше на уровню правих першенствених змаганьох, та так було и внєдзелю у Коцуре. Бависко було оштре, у дзепоєдних хвилькох аж и нєспортске, а на концу домашнї однєсли побиду.

Фодбалере Русина лєпше отворели змаганє и такой на початку прейґ Дениса Гардия сцигли по предносц над домашню Искру. После ґола ше бавело на стредку терена и було  даскельо нагоди на обидвох бокох. Найлєпшу нагоду нє вихасновал Зоран Сердар кед вишол сам опрез Русинового ґолмана и зоз мертвого угла потрафел стативу. Понеже Искра оганяла резултат, мушела бавиц кус отворенше, та госци свойо нагоди находзели  у процивнападох. Пред концом першого полчасу Душан Крняїч вихасновал свою нагоду, та ше зоз резултатом 1:1 пошло на одпочивок.

У другим полчасу бависко тиж було ровноправне. Дамир Ґубаш дал ґол  за Искру, алє Денис Гарди зоз своїм другим ґолом вировнал резултат на 2:2. Побиду Искри принєсол Дарко Николич з двома ґолами по конєц змаганя.

Одличну фодбалску представу на самим концу погубел физични обрахунок медзи бавячами, котри  ше, на щесце, нє  розбовчал. Тренер Искри Здравко Бабич дал задзекованє.

Руководство ФК „Искра” муши у найкратшим чаше найсц ришенє за нового тренера, понеже ярня часц першенства почина 27. марца, а Искра бранї перше место на таблїчки.

НЄСПОРТСКЕ СПРАВОВАНЄ

Инцидент на змаганю Искри и Русина, у хторим ше двоме Искрово бавяче медзи  собу лєм цо нє побили, кед єден Искров бавяч нападнул процивнїка зоз Руского Керестура. Тото иницировало задзекованє тренера Искри Здравка Бабича.

– У мойо власне мено, як и у мено ФК „Искра”, сцем госцом з Руского Керестура замодлїц най пребача на нєспортским справованю моїх бавячох. Таке нєспортске справованє сом за 45 роки, кельо сом у фодбалу, ище нє дожил – розчаровани бул Бабич.

ПОВЯЗАНИ ТЕКСТИ