НОВИ САД – На Интернационални фестивалє моди и дизайну „Serbia Fashion Week”, хтори у Новим Садзе почал вовторок и тирва по 27. април, зоз свою першу самостойну модну ревию участвує и наша модна дизайнерка Лидия Орза з Нового Саду. Лидия модну ревию своїх креацийох будзе мац на ютре 24. априла.
Орзова закончела Факултет дизайну на Технїчним факултету „Михайло Пупин” у Зренянину и тераз роби як сотруднїк у настави на тим факултету. Кариєру почала як дизайнер у модней хижи „ТИБ Стил” у Петроварадинє, а на тогорочним Тижню моди ше першираз представи як самостойни модни дизайнер.
На Тижню моди домашнї, странски модни дизайнере и уметнїки на даскельо локацийох представяю свойо роботи у модней индустриї, а централне збуванє будзе у Конґресним Центре Новосадского Сайму од нєшка по 27. април.