РУСКИ КЕРЕСТУР – Вчера отримана уж традицийна добродзечна акция на чисценю керестурского базену, на хторей участвовали коло 25-еро, преважно млади Керестурци. Роботи на чисценю почали на седем рано и тирвали коло шейсц годзини.
После випущованя води з велького базену, волонтере го очисцели од мулю и повируцовали одпад. У рамикох тей акциї положени и нови ручки, драбинки и циви коло базену, цо финансовала Месна заєднїца.
Окрем волонтерох, на акциї участвовали и члени Добродзечного огньогасного дружтва, Здруженя рибарох „Коляк“, роботнїки ЯКП „Руском“ и Месней заєднїци.
