СЕРБИЯ – Штреднї нето заробок у Сербиї у маю бул 43 964 динари, цо за 3,3 одсто менєй од штреднього заробку у априлу того року, указую найновши податки Републичного заводу за статистику (РЗС).
Штреднї бруто заробок у маю виношел 60 487 динари и у одношеню на штреднї заробок у априлу є реално менши за 3 одсто. У одношеню на лоньски заробок у маю, тогорочни штреднї заробок у маю менши за 2,3 одсто.
У одношеню на штреднї нето заробок у перших пейцох мешацох 2014. року, тогорочни менши за 1,6 одсто, указую податки РЗС.