КОЦУР – Вчера дополадня коцурску дзецинску заградку уж традицийно на моторокох нащивели члени домашнього Мото-клубу „Пеґасус” пооблєкани до Дїдох Мразох и дзецом подзелєли коло 200 пакецики. Дзеци их привитали зоз шпиванками и рецитациями.
Моторкаше того року вельки средства уложели до ушорйованя своїх нових просторийох, та же би нє претаргли традицию дзелєня пакецикох, у тим им того року помогла Општина Вербас.
– Таку акцию першенствено правиме пре дзеци, алє и прето же бизме розбили стереотип же моторкаше страшни, опасни и же вше маю проблеми зоз законом, цо у нашим случаю нїяк нє случай – гварел з тей нагоди за Рутенпрес предсидатель коцурского Мото-клубу Дюла Байор.
