НОВИ САД – Штварток, 11. юния, зоз початком на 19 годзин, у Руским културним центру у Новим Садзе, отримане мултимедиялне стретнуце на хторим бул госц писатель Сашо Сабадош.
Наш млади писатель бешедовал о своїх початкох у писаню, о темох хтори го понукаю писац и хтори му инспирация. Було слова и о тим яки ма уплїв рокенрол на його поезию, та и о шлєбодним стиху у його поетским виражованю. Модератор вечара бул Славко Винаї.
На пондзелок, 15. юния, будзе ище єдно мултимедиялне стретнуце, а госц на програми будзе театрални писатель Звонимир Павлович.
Мултимедиялне стретнуце будзе нєформалного характеру, попреплєтане з виривками зоз Павловичових представох, а почнє на 20 годзин у просторийох Руского културного центра у Новим Садзе.