БЕОҐРАД – У трецим кварталє 2015. року ґаздовства у Сербиї розполагали зоз штреднє 58 331 динари, цо за 3,5 одсто вецей у одношеню на други квартал, сообщел Републични завод за статистику.
Найвецей пенєжи – 35 одсто, троши ше на єдзенє и безалкоголни напой, 15,6 одсто за трошки биваня – за воду, струю и ґаз, а 10,7 одсто за транспорт. За рекреацию и културу трошиме 6,1 одсто приходох; 5,6 одсто за особни предмети и услуги; за комуникацию 5,4 одсто, за шмати и обуй 4,8 одсто, а за отримованє ґаздовства 4,6 одсто средствох.
Приходи ґаздовствох найчастейше од порядного роботного одношеня (46,8 одсто), потим од пензиї (30,7 одсто), приходи од польопривреди, лову и риболову коло 6,8 одсто, приходи од социялного осиґураня 3,3 одсто и приходи нє з роботного одношеня 3,1 одсто.