ВЕРБАС – Писателька и редакторка нашого дзецинского часопису „Заградка” Мелания Римар вчера нащивела дзеци на годзини виучованя руского язику у ОШ „20. октобер” у Вербаше, з котрима роби учителька Славица Мали.
З тей нагоди дзеци рецитовали руски писньочки, указали цо научели, бешедоване о значеню дзепоєдних словох, а Римарова их научела и єдну розчитованку. Мелания Римар з тей нагоди дзецом представела часопис, бешедовала о дакедишнїм и терашнїм сотруднїцтве дзецох зоз „Заградку”, и визначела най маю на розуме же цо вецей язики знаю, тельо буду богатши.
Школярки Викториї Саламун редакторка придала и награду „Заградки” за сотруднїцтво з тим часописом, а учителька Славица Мали на концу подзековала Римаровей на нащиви.
