На беґелю нови столи и пристанїще

автор тах
1.1k Опатрене

КОЦУР – Вчера на преводнїци Дунай-Тиса-Дунай у Коцуре отримана роботна акция, хтору орґанизовал Еколоґийни рух Вербас у рамикох проєкту ушорйованя желєних поверхносцох у вербаскей општини, чий главни покровитель Министертство будовательства, транспорту и инфраструктури.

Попри членох Руху, на акциї участвовали и други партнере, як цо то „Води Войводини”, коцурски рибаре, огньогасци и други. У акциї розкерчени простор коло преводнїци, покошена трава и поставени нови бетонски лавки и столи на брегу – на месце дзе дакеди були уж барз очкодовани древени столи.

8-Kocur-02

Тиж так, з лївого боку преводнїци поставене и нове древене пристанїще за чамци. Ґу пристанїщу збудовани ґарадичи, а поставена и туристична табла коцурскей преводнїци.

Як гварел предсидатель Еколоґийного руху Вербас Ратко Дюрдєвац, у рамикох спомнутого проєкту ше ушорює желєни поверхносци, окреме коло води, же би то бул и єден з туристичних пунктох значних за приход наутичарох.

8-Kocur-03

ПОВЯЗАНИ ТЕКСТИ