РУСКИ КЕРЕСТУР – У Здравственей амбуланти у Руским Керестуре всоботу, 19. новембра, од 8 до 12 годзин коло 50 жителє вихасновали нагоду превентивно ше препатриц на ткв. Базару здравя, хтори ше у местох кулскей општини отримує з мотом „За напреднєйше здравє”.
Медицинска екипа Дому здравя з Кули, у хторей були лїкаре специялисти и медицински шестри, на чолє з др Лїляну Бероня и домашню др Златану Надь, препатрали кревов прицисок, уровень цукру у креви, препатрали з ЕКҐ, та абдомен з ултразвуком, а орґанизоване и консултованє при кардиолоґови.
Замерковане же свойо здравє на тот завод препатрели и дакус младши Керестурци, цо и єден з цильох орґанизатора таких акцийох.
Базар здравя бул други того року, а у наступних викендох будзе отримани у шицких местох кулскей општини.