НОВИ САД – Вчера предвечаром новосадски Штранд бул полни з дзецми хтори пришли преславиц други родзени дзень познатих гаос-аниматорох.
Гаос-аниматорох велї дзечнє волаю на свойо родзени днї же би анимировали госцох, а прешлого року, сами аниматоре ше позберали коло идеї же би на свой родзени дзень поволали шицки дзеци у городу.
Дзеци ше дружели през рижни бависка, танцовали, змагали ше, а на концу аниматоре пририхтали прави мали спектакл – бависко зоз огньом и лед шветлами.
Тота преслава мала и гуманитарни характер бо, хто пришол на родзени дзень мал принєсц дарунок, хтори аниматоре прешлїдза до Дому за дзеци з почежкосцами у розвою у Ветернику.
