НОВИ САД – Нєшка, на ютре и на штварток, будзе ше видавац кабини на Штранду тим котри их закупйовали остатнї пейц роки. На пияток, 17. априла, кабини ше будзе видавац здруженьом особох з инвалидитетом, а геверни кабини годно закупиц на пондзелок, 20. априла.
Шицки пейц днї видаванє будзе на Штранду од 8 до 16 годзин. Мала кабина за цали рок кошта 15 000 динари, а велька 20 000 динари. Контракти ше подписує на пейц роки, а плаци ше на рочним уровню.
Як наявене, сезона на Штранду почнє 1. мая, а цени картох буду исти – дньова 50 динари, сезонска 1 045, школярска, студентска и пензионерска 850 динари, а дзеци до седем роки нє плаца уход.