БЕОҐРАД – Од нєшка, од 18 годзин, буду ше запровадзовац мири змоцнєного надпатрунку шицких гражданох Сербиї хтори ше врацаю зоз иножемства.
Епидемиолоґ Предраґ Кон тих дняох потолковал же змоцнєни надпатрунок подрозумює приявйованє до здравственей установи и обовязку же би ше явели до ковид-амбулантох кед почувствую симптоми вирусу Ковид-19. Приява уж иснує як тест самопреценьованя на порталу е-здравє и досц є єдноставна.
Од податкох треба унєсц особни податки, гранїчни преход и датум преходу. Накадзи ше особа прияви прейґ тей системи, вона окончела свою гражданску длужносц, а кед почувствує симптоми як цо то горучка, траценє осету за смак и пах або респираторни проблеми, треба же би ше явела до ковид-амбуланти.
Кон гварел же гражданє хтори ше враца можу поряднє пойсц на роботу зоз почитованьом епидемиолоґийних мирох як цо то дезинфекция рукох, физична дистанца и ношенє маски, преноша медиї.