ВОЙВОДИНА – Покраїнски секретарият за образованє, предписаня, управу и национални меншини-национални заєднїци ище у юнию принєсол правилнїки о школским календаре за основни и штреднї школи на териториї АП Войводини за школски 2021/2022. рок.
Покраїнски школски календари усоглашени зоз републичнима кед слово о початку и концу школского року, та так школски рок и у Войводини почнє нєшка, 1.септембра 2021. року, а перше полрочє будзе тирвац по 23. децембер 2021. року.
После жимского розпусту, школяре ше до учальньох враца 17. януара 2022. року, а конєц наставного року завиши од наставного плану за основни и штреднї школи.
Школяре основних и штреднїх школох буду мац лєм єдну наставну соботу, и то 2. априла.
На сайту секретарияту мож опатриц календар за основну, як и за штредню школу.