Огньогасци порихтани за жиму

автор тах
1.1k Опатрене

КОЦУР – Представителє Каритасу Сербиї коцурскому Добродзечному огньогасному дружтву (ДОД) вчера уручели векши роздрильовач шнїгу, хтори ДОД достало у рамикох Каритасового проєкту превенциї елементарних нєпогодох.

З тей нагоди у Коцуре були коордиатор Каритасу за Апостолски еґзархат за грекокатолїкох у Сербиї Елемир Джуджар и сотруднїк на проєкту Анита Ґовля, а дочекал их предсидатель ДОД Златко Надйфеї и огньогасци.

Донацию за роздрильовач шнїгу обезпечел Каритас Aвстриї, а вредносц донациї коло 503 000 динари. Роздрильовач поставени на нови огньогасни камион, та тей жими огньогасци шнїг буду чисциц з двома камионами.

ДОД Коцура уж длугши час вжиме отримує драги у валалє, а тиж и драгу Коцур-Змаєво.

ПОВЯЗАНИ ТЕКСТИ