Од 1. авґуста драгша струя

автор бета/сен
771 Опатрене

СЕРБИЯ – Цена електричней енерґиї за ґаздовства од 1. авґуста будзе векша за 4,4 одсто, а штреднє звекшанє за шицких купцох з правом на реґуловану цену будзе 4,5 одсто. Медзитим, понеже концом юния Скупштина Сербиї прилапела вименки и дополнєня Закона о акцизох, на струю тиж буду исц акцизи, та вона з новим подрагшеньом будзе драгша аж за 12 одсто.

Подрагшанє струї одобрела Аґенция за енерґетику, хтора у сообщеню визначела же припозната набавна цена од 3,2 динари за киловат-годзину ище вше нїзша од цени на тарґовищу. Закон одредзує же набавна цена, та цена продукциї електричней енерґиї нє реґулована, алє ше одредзує на основи условийох на тарґовищу.

Подмирйоваче би 30 днї пред подрагшеньом електричней енерґиї о тим мали поинформовац купцох.

 

ПОВЯЗАНИ ТЕКСТИ