БЕОҐРАД – Защитнїк гражданох Републики Сербиї з нагоди Медзинародного дня мацеринского язика спозорел же Сербия анї дзевец роки по приношеню Уставу нє обезпечела службене хаснованє кирилки, як анї шицки учебнїки на язикох и писмох националних меншинох.
Омбудсман у сообщеню оценює же старосц о чуваню язика вимага же би деражва без одкладаня креировала политику хтора, попри ґаранцийох и защити велького числа меншинских язикох у образованю, информованю и култури, „як цивилизацийну обовязку спатрела и зачуванє сербского язика и кирилки”.
Гоч є обовязна старац ше о мацеринских язикох шицких гажданох, анї дзевец роки по приношеню Уставу Сербия нє обезпечела службене хаснованє кирилкового писма, з обгрунтованьом же информацийни системи потримую хаснованє латинки – пише у сообщеню.
Додава ше же защитнїк гражданох 2015. року послал препорученя же би ше елиминовало препущеня и прецизно ушорело положенє, способ, запровадзованє и орґанизованє двоязичней настави на сербским и язику националней меншини, як єдного з моделох образованя припаднїкох националних меншинох.