НОВИ САД – На подручу Городу Нови Сад почало придаванє вимогох за паркинґ-места наменєних особом з инвалидитетом. Налїпку за паркинґ-место ше видава за означованє єдней превозки особи з инвалидитетом, односно за члена заєднїцкого ґаздовства.
Паркинґ-места за особи з инвалидитетом можу хасновац приявени у Новим Садзе, а котрим очкодовани екстремитети важни за управянє з превозку, потим особи котри маю дистрофию, параплеґию, квадриплеґию, церебралну парализу, особи чий вид очкодовани найменєй 90 одсто, воєни инвалиди и особи на диялизи.
Вимоги ше придава до Городскей управи за социялну и дзецинску защиту-Канцелариї за особи з инвалидитетом, а на писарнїци Городскей управи за общи роботи. Вецей о тим мож опатриц на сайту www.novisad.rs