ВЕРБАС – Вчера у просторийох КПД „Карпати” у Вербаше отримана промоция Моноґрафиї „Народне облєчиво бачванско-сримских Руснацох и танци бачванско-сримских Руснацох”, хтору видал Завод за културу войводянских Руснацох.
Присутних привитал орґанизатор промоциї и предсидатель Дружтва др Деян Загорянски, а о кнїжки бешедовал хореоґраф Микола Ґубаш. Вчерайша промоция була и свойфайтове предлуженє проєкту у хторим КПД „Карпати” орґанизує едукациї и роботнї о рускей и українскей народней вишивки и облєчиве.
Як визначел Ґубаш, промоция була нагода преанализовац нашо традицийне облєчиво у шицких можлївих вариянтох и статусних означеньох, а представени и нашо традицийни танци.
Зоз Миколом Ґубашом до Вербасу пришли и модели хтори ше пооблєкали до народних облєчивох, так же присутни мали нагоду видзиц яки ше облєчива през историю хасновало за церкву, танци, свадзби и роботу.
