НОВИ САД – З нагоди означованя 323-ох рокох Петроварадинскей твердинї, городоначалнїк Нового Саду Милош Вучевич гварел же ше пририхтує проєкт обнови Твердинї, а за тоту намену Город конкуровал и до медзинародних фондох, преноша аґенциї.
Вучевич здогаднул на значносц Петроварадинскей твердинї за Нови Сад и гварел же нє дошлєбодзи же би символ городу препаднул, алє же твердиня будзе допатрана, у складзе зоз своїм културним и историйним значеньом.
Висланїк цара Леополда I Габзбуржского, княз Крой 1692. року на руинох штредньовиковного утвердзеня поставел камень хтори бул основа нєшкайшей Петроварадинскей твердинї.
Твердиню творели Горнї и Долнї город, мала високи мури, а коло нєй були ярки з воду. З часом, з населєня Петроварадински Шанац, на другим боку Дунаю настал Нови Сад.