КОЦУР – У просторийох Месней заєднїци у Коцуре граждане вчера могли бешедовац зоз заменїцу Покраїнского омбудсмана задлужену за людски и меншински права Еву Вукашинович.
Як за Рутенпрес виявела Вукашиновичова, Коцурци поднєсли даскельо зауваги, векшином на нєажурносци роботи державних орґанох и на длужину поступкох здобуваня даєдного з основних людских правох.
Вукашиновичова гварела же було притужби и на роботу у обласцох хтори нє у компетенцийох омбудсмана, як цо то судство, алє им заш лєм дала правни совити и потолковала як можу ришиц винєшени проблеми.
После поєдинєчних розгваркох зоз заинтересованима Коцурцами, заменїца омбусмана нащивела и Основну школу „Братство єдинство”, дзе з директорку Славицу Байор бешедовала о проблемох у образованю, з акцентом на образованє на меншинских язикох.