НОВИ САД – Нови Сад єдини город зоз Сербиї и юговосточней Европи хтори ше змага за титулу Европскей престолнїци младих за 2018. рок, а шеф Делеґациї Европскей униї у Сербиї Майкл Девенпорт поручел же Делеґация потримує кандидованє Нового Саду.
Город хтори будзе преглашени за Европску престолнїцу младих на єден рок, през рижни програми и проєкти ма нагоду приказац його културни, дружтвени, политични и економски живот.
Як свойо потенцияли за розвой живота младих и доставанє титули Европскей престолнїци младих, Нови Сад визначує Театер младих, Студентски културни центер, новосадски Универзитет, НОМУС, Ритем Европи, Синеманию, Саям младежского туризму и Еґзит.